My first blog

Kalpna karo us sukhe hue vriksh ki, jo ek biyaban me akela khada hai. Uske sabhi patte bhi jhad chuke hain. Na to uske pas chhaon aur na hi khad pani. Wo majboori me khada hai aur saza bhugat raha apne wajud ki. Wo sochta hai ki akhir uska wajud hi kyon hai aur kis ke liye hai. Na koi musafir uske paas aata hai, kyonki uske paas aata hai, kyonki uske paas chhaya hai hi nahi. Aur na hi koi jaanwar aata hai, kyonki khana bhi uske paas nahi. Uska ek hi sawaal hai ki, aakhir wo paida hi kyon hua aur kis ke liye.Vriksh to aur bhi hote hain, unhe unke hisse ka khad-paani milta, unki dekh rekh bhi hoti hai, par saaza to wo bhi bhugat rahen hai. Khud scorchin heat me khade rahkar, bhi ghani chhaya dete hain. Unke paas musafir aate hain tatha ghani chhaya paate hain. Unki daalon par pakshi aate hain, chakte hain. Par log unhe bhi patthar maarte hain, aur badle me fruits pate hain. Itna sab hone par, ek vriksh wo hai jiska janm safal hua aur dusra vriksh abhishapt hai, laachar hai ek biyabaan akela khada rahne ke liye.Ab swaal hai ki hum kis prakaar ke vriksh hain. Kya hum sukhe hue abhishapt vriksh hain, jo kisi ke kaam nahi aata. Kya hamara jeewan sukhe vriksh ki tarah hai, jo kisi ke kaam nahi aa sakta, ya phir hum ek chaayadar, fruits se laade chhayadar vriksh hain, jo patthar kha kar bhi kush hain.Sab se bada sawaal hai ki, aakhir hamara wajud kyun hai aur kiske liye hai. Agar hum kisi ke kaam nahi aate to phir hum aate hi kyon hain?PRABHAKAR WITH GOOD WISHES.